Agjencia e Statistikave të Kosovës (ASK) publikon Statistikat e Mirëqenies Sociale për muajin prill 2023.

Ky publikim ofron të dhëna edhe për numrin e fëmijëve të braktisur, shkruan SuharekaOnline.

Fëmijët e braktisur – Fëmijë i braktisur pa kujdes prindëror, konsiderohet çdo fëmijë i moshës nën 18 vjeç, i cili është i braktisur nga prindërit, të cilët për shkaqe dhe arsye të ndryshme nuk i kryejnë, apo nuk janë në gjendje ti kryejnë obligimet, përgjegjësitë dhe të drejtat prindërore.

Format e mbrojtjes për këtë kategori të fëmijëve janë: kujdestaria, bashkimi familjar, strehimi familjar, strehimi i përkohshëm institucional dhe adoptimi.

Duke u bazuar në të dhënat e ASK-së figuron se gjatë muajit prill në tërë Kosovën janë braktisur 3 foshnje, numër ky më i madh se i tre muajve të parë të vitit 2023.

Në statistikat e ASK bëhet e ditur se një foshnje e gjinisë mashkullore është braktisur në Istog, dy të gjinisë femërore janë braktisur në Ferizaj dhe Vushtrri.

Nga muaji janar deri në atë prill 2023, gjithsej në Kosovë janë braktisur 5 fëmijë, dy të gjinisë mashkullore dhe tre të gjinisë femërore.

Ndërsa, përgjatë këtyre muajve në Komunën e Suharekës nuk është regjistruar ndonjë foshnje e braktisur.