07.12.2018, 19:22

Shtëpia e Kulturës “Ukë Bytyçi”në Suharekë, mbetet vetëm në letër

Suhareka edhe për një kohë do të mbetet pa Shtëpi të Kulturës. Kjo pasi është ndërprerë financimi i projektit për ndërtimin e saj. Ministria e Kulturës, Rinisë dhe Sportit 300 mijë euro të ndara për këtë projekt tashmë i ka orientuar në një tjetër.

Tërheqjen e këtyre mjeteve nga ky projekt e ka bërë të ditur ministri i Kulturës, Kujtim Gashi. Sipas tij, kjo ka ndodhur si pasojë e mos-kryerjes së punimeve nga kompania kontraktuese.

“Gjithë financimi bëhet nga ministria. Jemi zotu që kompania të vazhdojnë punimet dhe me ridestimin të mjeteve i kemi nda 300 mijë euro. Por, me takimin që kemi pas me kryetarin e Suharekës ka kërkuar që të mos ridestinohen ato mjete sepse kompania nuk i ka kryer punime”, tha ai në seancën e sotme të Kuvendit të Kosovës.

Projekti për ndërtimin e kësaj shtëpie të kulturës në tërësi kap shifrën rreth 3 milionë euro dhe ishte paraparë që të përfundojë për tri vjet.

Kontrata për ndërtimin e shtëpisë së Kulturës në Suharekë ishte bërë më 17 tetor 2017, mes ish-kryetarit Sali Asllanaj dhe operatorëve ekonomikë “NNSH A&B Construction dhe NNT ABC”.

N.T.P.SH “HALITI” gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin hap të jetës. E ardhmja është edhe më e sigurt nëse zgjedh rrugën dhe partnerin e duhur!

LEXO EDHE:  Ish zv.ministri i mbrojtjes nga Suhareka, vazhdon ta shfrytëzoj veturën e qeverisë

Kryetari i atëhershëm i komunës së Suharekës z. Sali asllanaj kishte nënshkruar kontratën për ndërtimin e shtëpisë së kulturës “Ukë Bytyç” me grupin e Operatorëve Ekonomik NNSH A&B CONSTRUCTION & NNT ABC me seli në Suharekë.

“Sot është një lajm i mirë për të gjithë qytetarët e Komunës së Suharekës, artistët, Shoqëritë Kulturore-artistike dhe të rinjtë ngase nënshkruam kontratën për ndërtimin e shtëpisë së kulturës “Ukë Bytyçi”, një objekt modern me standarde shumë të larta” kishte thënë kryetari Asllanaj pas nënshkrimit të kontratës me grupin e Operatorëve Ekonomik NNSH A&B CONSTRUCTION & NNT ABC me seli në Suharekë.

/SuharekaOnline/