U vazhdohet edhe për dy muaj paraburgimi tre të dyshuarve për sulmin në Banjskë
25.04.2024
Gjykata Themelore në Prishtinë ua ka vazhduar masën e paraburgimit tre të dyshuarve për sulmin në Banjskë.
Foto: Policia e Kosovës në afërsi të Manastirit të Banjskës, zolla e konfiskuar në ngjarjet e shtatorit /FOTO : Telegrafi/
Vladimir Toliq, Blagoje Spasojeviq dhe Dushan Maksimoviq u është vazhduar paraburgimi edhe për dy muaj.
Lajmi u bë i ditur nga Gjykata Themelore në Prishtinë.
“Ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T, B.S dhe D.M, Gjykata Themelore në Prishtinë – Departamenti Special me datë 22.04.2024 ka marr vendim dhe ka aprovuar kërkesën e Prokurorisë Speciale të Republikës së Kosovës, ashtu që masa e paraburgimit tre të pandehurve iu është vazhduar në kohëzgjatje dy muaj”, tha Mirlinda Gashi për express.
