Tre komuna po kërkojnë kohë shtesë për regjistrimin e popullsisë

17.05.2024

Procesi i regjistrimit të popullsisë ka nisur nga 5 prilli i këtij viti, por që deri më tani, zyrtarisht tri komuna kanë kërkuar që data e përfundimit të mos jetë sot, 17 maji.

Tre komuna po kërkojnë kohë shtesë për regjistrimin e popullsisë Foto: Ilustrim

Komunat që kanë kërkuar kohë shtesë për regjistrimin e popullsisë janë Dragashi, Drenasi dhe Fushë Kosova.

Gjatë këtij procesi të regjistrimit të popullsisë, banesave dhe ekonomive familjare, Agjencia e Statistikave të Kosovës e ka pasur edhe një pyetësor për dëmet e luftës.

Para tri ditëve, kryeministri i vendit, Albin Kurti, pati lajmëruar se deri më 14 maj janë regjistruar mbi 1 milion e 420 mijë qytetarë rezident.