Top 5 shtetet importuese në Kosovë, LVV bënë krahasimin e qeverive të kaluara me qeverinë Kurti

Krahas kësaj liste nga LVV kanë shkruar qysh ka qenë në qeveritë e kaluara ku Serbia renditet e para si top importues, ndërsa me Qeverinë Kurti, nuk është në top pesë shtetet importuese në Kosovë.

Lëvizja Vetëvendosje, e kryesuar nga Kurti, ka publikuar sot më herët listën e pesë vendeve që eksportojnë më së shumti mallra në Republikën e Kosovës. Siç u tha, vendet që eksportojnë më shumë në Kosovë janë Turqia, Gjermania, Kina, Greqia dhe Shqipëria.

Qeveria Kurti në qershor të vitit të kaluar ka ndaluar hyrjen e mallrave nga Serbia në Kosovë, për arsye sigurie, ndërsa në fillim të tetorit të këtij viti, hyrja e mallrave serbe është lejuar vetëm në Merdarë, me kontrolle të detajuara.