Të mërkurën mot kryesisht me vransira, reshje lokale shiu dhe bubullima

Në ditët në vijim parashihet të mbajë mot i ndryshueshëm, me vransira dhe diell. Vende-vende priten mundësi edhe për reshje lokale shiu me bubullimë.

Ditën e mërkurë pritet të fryj erë me hove deri në 15m/s. Jo shumë ngrohtë, kryesisht me vransira. Vende-vende priten mundësi për reshje lokale shiu me bubullimë. Temperaturat në vise të ulëta 13C deri 26C, e në vise malore 10 deri 17C. Do të fryj erë e mesatare dhe mesatarisht e fuqishme nga jugperëndimi 5-10m/s, me hove edhe deri në 15m/s. Indeksi UV: 4.

Nga dita e premte një ciklon i fuqishëm që do të zhvillohet në gjirin e Gjenovës mbi Italinë veriore, do të depërtojë mbi rajonin tonë në fundjavë, ku pritet të sjell reshje më të konsiderueshme shiu.

Me kalimin e këtij cikloni mbi vendin tonë do të shtrihen masa të ftohta ajrore nga Atlantiku verior, të cilat zbresin temperaturat ndjeshëm edhe nën vlera mesatare.

© SuharekaOnline. Të gjitha të drejtat janë të rezervuara.