Të hënën prezantohen autoblindat ushtarake, donacion nga ShBA për FSK-në
Gjatë ditës së hënë do të prezantohen disa mjete ushtarake, donacion ky i Shteteve të Bashkuara të Amerikës për Forcën e Sigurisë së Kosovës (FSK). Automjetet ushtarake të blinduara, të tipit M1117 ASV (Armored Security Vehicle) do të prezantohen nga komandatja supreme, Vjosa Osmani dhe kryeministri, Albin Kurti. “Ministria e Mbrojtjes dhe Shtabi i Përgjithshëm […]
Gjatë ditës së hënë do të prezantohen disa mjete ushtarake, donacion ky i Shteteve të Bashkuara të Amerikës për Forcën e Sigurisë së Kosovës (FSK).
Automjetet ushtarake të blinduara, të tipit M1117 ASV (Armored Security Vehicle) do të prezantohen nga komandatja supreme, Vjosa Osmani dhe kryeministri, Albin Kurti.
“Ministria e Mbrojtjes dhe Shtabi i Përgjithshëm i FSK-së organizojnë ceremoninë e pranim-dorëzimit të donacionit të SHBA-së me automjete ushtarake të blinduara, të tipit M1117 ASV (Armored Security Vehicle). Ceremonia në fjalë do të mbahet në Kazermën “ Adem Jashari”, të hënën, më datë 30 gusht 2021, nga ora 11:00”, thuhet në njoftimin e Ministrisë së Mbrojtjes.
Përveç Osmanit e Kurtit, në këtë ngjarje do të jetë edhe ministri i Mbrojtjes, Armend Mehaj por edhe autoritete të larta ushtarake civile vendore dhe ndërkombëtare.