Supremja e Speciales rrëzon kërkesën e Pjetër Shalës për zhdëmtimin e viktimave
Paneli i Gjykatës Supreme të Dhomave të Specializuara ka refuzuar kërkesën për mbrojtje të ligjshmërisë të paraqitur nga Pjetër Shala lidhur me vendimin për zhdëmtimin e viktimave.
Foto: Ilustrim
Vendimi është marrë më 25 qershor 2026 nga paneli i përbërë nga kryegjykatësja Ekaterina Trendafilova dhe gjykatësit Kristinë van den Vajngart e Daniel Fransen.
Shala kishte kundërshtuar vendimin e Panelit të Apelit, i cili kishte refuzuar ankesën e Mbrojtjes ndaj Urdhrit për Zhdëmtime të datës 29 janar 2026. Megjithatë, Gjykata Supreme ka vlerësuar se pretendimet e ngritura nuk qëndrojnë dhe ka lënë në fuqi vendimin për zhdëmtimin e viktimave.
Ndërkohë, Pjetër Shala vazhdon edhe procedura të tjera ligjore, përfshirë një kërkesë në Dhomën Kushtetuese të Dhomave të Specializuara dhe një ankesë pranë Gjykatës Evropiane për të Drejtat e Njeriut, për të cilën ende nuk është marrë vendim nëse do të pranohet për shqyrtim.
