Nga Byroja Kosovare e Sigurimeve (BKS) kishin theksuar se një projekt i tillë do të bëjë më të lehtë identifikimin e veturave që nuk janë të regjistruar, njëjtë kishte thënë edhe zëvendësministri i Ministrisë së Mjedisit, Planifikimit Hapësinor hde Infrastrukturës, Hysen Durmishi.

Ai kishte theksuar se vendosja e stikersave do të ndikon që automjetet që nuk janë të regjistruara mos të dalin në qarkullim sepse do të identifikohen dhe gjobiten.

“Vendosja e stikersave do ta bëjë më të lehtë identifikimin e veturave të paregjistruara. Secila veturë që regjistrohet do ta ketë stikersin dhe do të kemi më të lehtë idenfikimin e veturave të paregjistruara dhe kjo ndikon që ato automjete të mos dalin në qarkullim sepse do të identifikohen dhe gjobiten”, tha zëvendësministri Durmishi.

Po ashtu, ai kishte shtuar se nuk mund të falsifikohet stikersi sepse secili i ka masat e sigurisë dhe barkodin dhe se vetëm nëse skanohet, dalin të dhënat e pronarit të atij automjeti, po ashtu zëvendësministri i Infrastrukturës ka shtuar se krahas edhe masave të tjera do ta ulin nën pragun 5 përqind numrin e automjeteve të paregjistruara.

E këto stikersa sipas një njoftimi të zv.ministrit Durmishi, janë duke treguar efekt të mirë.

Përmes një postimi në rrjetin social “Facebook”, Durmishi ka thënë se me masat që i kemi marrë nga 35% të automjeteve të paregjistruara është zbritur tashmë në vetëm 5%.

Zv.ministri i Infrastrkturës ka shtuar se vetëm për 3 muaj tashmë është plotësuar kriteri kryesor që të bëhemi pjesë e kartonit të gjelbër.

Postimi i plotë i Durmishit:

Disa hapa të vegjël me suksese tepër të mëdha.

Me 15 mars e vendosëm stikersin e parë në vetura. Me masat që i kemi marrë nga 35% të automjeteve të paregjistruara e kemi zbritur tashmë në vetëm 5%. Vetëm për 3 muaj tashmë e kemi plotësuar kriterin kryesor që të bëhemi pjesë e kartonit të gjelbërt.

Punë të mira po bëhen.