Specialja rrëzon mocionin e mbrojtjes së Hashim Thaçit për kundërshtim të juridiksionit

Sipas njoftimit zyrtar, Gjykatësi i Procedurës Paraprake ka konstatuar se pretendimet e ngritura nga mbrojtja nuk përbënin bazë për kundërshtim juridiksional, duke hedhur poshtë të dyja argumentet kryesore të saj: që procedurat duhej të ishin nisur nga Trupi Gjykues II dhe se caktimi i gjykatësit të procedurës paraprake ishte në kundërshtim me Ligjin për DhSK-në.

“Gjykatësi i Procedurës Paraprake hodhi poshtë mocionin paraprak të dorëzuar nga Mbrojtja e Hashim Thaçit, që ngre kundërshtime lidhur me juridiksionin e Dhomave të Specializuara. Gjykatësi konstatoi se çështjet e ngritura nuk përbënin kundërshtime juridiksionale dhe hodhi poshtë të dy argumentet e Mbrojtjes”, thuhet në vendimin e publikuar nga Specialja.