14.09.2019, 16:48

Specialja pret përfundimin e zgjedhjeve në Kosovë për ngritjen e aktakuzave?

Kosova është në prag të zgjedhjeve të parakohshme.

Zgjedhjeve të 6 tetorit u parapriu dorëheqja nga posti i kryeministrit nga Ramush Haradinaj, i cili u ftua nga Gjykata Speciale në cilësinë e të dyshuarit, shkruan lajmi.net.

E aktakuzat nga Specialja duket se nuk janë afër të ngritën. Kështu po pretendohet në Serbi.

Kryetari i të ashtuquajturit komitet parlamentar për Kosovën në Kuvendin e Serbisë, Milovan Drecun, thotë se është pak e pritshme që aktakuzat të ngritën para mbajtjes së zgjedhjeve në Kosovë.

“Nga kontaktet që kam pasur nga grupi punues për zyrën e Prokurorit të Specializuar, kam ngritur pretendimet se aktakuzat nuk ngritën së shpejti”, thotë ai.

LEXO EDHE:  Taksa 100% ndaj Serbisë e Bosnjës ndikoi keq në ekonomi, rriti çmimet në Kosovë

Sipas tij, zyra e Prokurorit në Hagë nuk ka vendosur ende të procedojë me aktakuzat.

“Para se të gjithash, Specialja ende nuk ka vendosur a të procedojë me aktakuzat. Është e rëndësishme se ata janë në fazën finale të provave”, ka thënë ai.

Specialja në Kosovë ka ftuar një numër të konsiderueshëm të personave, më së shumti në cilësi të të dyshuarve.

Nga profilet e lartë të cilat i janë përgjigjur ftesës së Speciales, janë emrat e Ramush Haradinajt, Sylejman Selimit, Sami Lushtakut, Rrustem Mustafës e Jakup Krasniqit.

© SuharekaOnline. Të gjitha të drejtat janë të rezervuara.