Sot SBAShK-u vendos nëse do të mbahet grevë në arsim

10.01.2019 Lajme

Sot, me datën 10 Janar 2019, Sindikata e Bashkuar për Arsim, Shkencë dhe Kulturë (SBAShK), në ora 14:00 do të mbledhet Këshilli Drejtues dhe do të vendoset se a do të mbahet grevë në arsim.

Siç dihet SBAShK-u ka paralajmruar grevë të përgjithshme nga data 14 Janar për shkak të rritjes së pagave, por sot vendoset se a do të mbahet greva, nga ky këshill i SBAShK-ut.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Në një njoftim nga SBAShK-u për media shprehen se “Ju njoftojmë se SBASHK-u sot me datë 10.01.2019 në ora 14:00, në zyrat e veta në Qendrën e Studentëve në Prishtinë, ka ftuar në mbledhjen e jashtëzakonshme Këshillin Drejtues, ku në mbledhje do të jenë prezentë edhe të gjithë Kryetarët e Sindikatave Komunale si dhe atyre të Universiteteve, në të cilin takim do të diskutohet për këto çështje”. Po ashtu, do të vendoset edhe për hapat e tjerë.

Rrahman Jasharaj, kryetari i kësaj sindikate, dje bëri një komunikatë për Telegrafin ku tha se me shumë gjasa do të mbahet grevë më 14 Janar 2019.

Gjatë asaj komunikate, Rrahman Jasharaj tha se: “Gjasat janë shumë të mëdha që më 14 janar të ketë grevë. Dje ishte takim i vullnetit të mirë por nuk ka asgjë konkrete. Greva do të jetë e përgjithshme duke filluar nga çerdhet, e deri te Universiteti. Nuk do të ketë proces të punës e as mësim. Administrata në fakultete nuk do të punojë. Dhe sa do të zgjasë greva varet nga institucionet e Kosovës, pasi me pas vullnet ata kjo temë mund të mbyllet për 1 ditë në mënyrë që kërkesat tona të plotësohen”, deklaroi një ditë më parë Jasharaj.

Kurse, Këshilli i Prindërve kanë deklaruar se nëse kjo grevë mbahet është në dëm të nxënësve ku ata humbin orët mësimore dhe nuk do të ketë zhvillim siç duhet në arsim.