Sot numërohen votat me kusht dhe ato të personave me nevoja të veçanta

Lajmi është bërë i ditur nga zëdhënësi i KQZ-së, Valmir Elezi, i cili ka thënë se do të ketë njoftim paraprak rreth kohës kur pritet të fillojë numërimi i tyre.

“Gjatë ditës së sotme planifikojmë të bëhet numërimi i votave me kusht dhe atyre të personave me nevoja të veçanta. Mediat dhe vëzhguesit do të njoftohen paraprakisht për orën e fillimit të numërimit”, ka deklaruar Elezi.

Ndryshe, dje në Qendrën e Numërimit dhe Rezultateve (QNR) ka përfunduar procesi i numërimit të votave nga diaspora, ku më së shumti fletëvotime nga jashtë kanë qenë për Komunën e Suharekës, gjithsej 1280 fletëvotime.

Kandidati për kryetar të Suharekës nga radhët e LDK-së, Ardian Shala ka arritur të marr më së shumti vota nga diaspora, gjithsej 711 vota duke lënë pas Bali Muharremajn e AAK-së me 307 vota, Salih Zybën e LVV-së me 147 vota dhe Murtez Zekollin e PDK-së me 61 vota.