S’ka material për letërnjoftime, ja kur pritet të merrni të rinjtë

S’ka material për letërnjoftime, ja kur pritet të merrni të rinjtë
Çlirim Gashi

25.02.2021 / Lajme

Qytetarët e Republikës së Kosovës janë duke u përballur me pritje të mëdha për t’u pajisur me letërnjoftime, kjo pasiqë ka mungesë të materialeve në Ministrinë e Punëve të Brendshme (MPB).

Pritje të tilla qytetarët kanë pasur edhe gjatë muajve shtator dhe tetor të vitit të kaluar.

Ministria e Punëve të Brendshme (MPB) në një përgjigje për IndeksOnline kanë theksuar se kontrata për furnizim me dokumente është nënshkruar, por për shkak të materialit i cili është mjaft i ndjeshëm gjatë bartjes, janë krijuar vonesa të tilla.

Po ashtu nga kjo ministri kanë thënë se edhe pandemia me COVID-19 ka ndikuar në vonesa për furnizim.

Mirëpo, në përgjigje, MPB bëri të ditur se të hënën do të behet furnizimi me material për letërnjoftime.

LEXO EDHE:  Ministria e Punëve të Brendshme hap konkurs për 16 zjarrfikës, një në Suharekë

“Ministria e Punëve të Brendshme ka të nënshkruar një kontratë për furnizim me dokumente me kompaninë Gjermane ,,Veridos”. Prandaj  ju informojmë se ky material është mjaft i ndjeshëm dhe kërkon trajtim të veçantë, sidomos gjate bartjes. Për momentin kemi edhe një sasi të materialit për letërnjoftim.

Për shkak të rrethanave të ditura të pandemisë kemi vonesë në furnizim, por tani kemi konfirmim zyrtar që të hënën do të behet furnizimi me material për letërnjoftime”, thuhet në përgjigjen për IndeksOnline.

Nga tani në Physio Cure Clinic edhe trajtim i rrudhave, pikave të zeza dhe gjithçka për fytyrën tuaj

Pastrimi i fytyrës shërben për mirëmbajtjen e shëndetit të lëkures, kryerjen normale të funksioneve të qelizave si dhe ndriçimin e...

Lexo më shumë

Të fundit