Çlirim Gashi
04.04.2019, 12:49

Sipas Haradinajt humbja e 17 mijë vendeve të punës janë deklarime të rreme

Kryministri i Kosovës Ramush Haradinaj, raportimet për kinse siç i quan ai humbjen e 17 mijë vendeve të punës gjatë vitit 2018, thotë se janë infromata të pasakta, dhe qëllimsht të shtrembëruara.

I pari i Qevrisë thotë se që nga fillimi i qeverisjes së tij gjithçka ka qenë transparente, duke ofruar informata të saktapër trendin e rritjes ekonomike edhe të uljes së shkallës së papunësisë, dhe se deklarimet e tilla për të kundërtën janë të pavëreteta.

“Që nga fillimi i qeverisjes kemi qenë të hapur dhe transparent në çdo përballje publike për zhvillimet në vend dhe kemi ofruar informata e të dhëna të sakta edhe për trendin e rritjes ekonomike edhe të uljes së shkallës së papunësisë”, ka shkruar Haradinaj.

Më poshtë ju sjellim shkrimin e plotë të Kryministrit të Republikës së Kosovës:

Që nga fillimi i qeverisjes kemi qenë të hapur dhe transparent në çdo përballje publike për zhvillimet në vend dhe kemi ofruar informata e të dhëna të sakta edhe për trendin e rritjes ekonomike edhe të uljes së shkallës së papunësisë. Në këtë frymë, në asnjë rrethanë, nuk mund dhe nuk do të lejojmë që të manipulohen qytetarët dhe të krijohet opinioni publik me të pavërteta, qofshin ato mediale apo politike.

Një tendencë të tillë e hasim edhe me lajmin për kinse humbjen e 17 mijë vendeve të punës gjatë vitit 2018. Ky lajm mbetet i manipuluar dhe qëllimisht i shtrembëruar dhe deklarimet e një pjese të akterëve të politikës në mbështetje të një “lajmi të rremë” janë të papranueshme dhe denigruese për vendin.

Dëshmia më e mirë në kundërshtim të njoftimeve dhe vlerësimeve për humbjen e vendeve të punës është edhe vetë demanti i këtij lajmi nga Banka Botërore e cila e pranon edhe uljen e shkallës së papunësisë edhe rritjen ekonomike të Kosovës, më të madhen në gjithë rajonin tonë.

Sipas të dhënave zyrtare ka një rënie të shkallës (vjetore) së papunësisë prej rreth 1 për qind. Ky është numri i të papunësuarve si përqindje e fuqisë punëtore aktive totale. Në të njëjtën kohë, ka pasur një rënie të numrit të njerëzve që kanë marrë pjesë në tregun e punës. Bazuar në të dhënat zyrtare, krijimi i vendeve të punës neto në periudhën Korrik-Dhjetor 2018 ende nuk kishte kompensuar plotësisht humbjet e vendeve të punës neto në dy çereket e parë të vitit. Kjo ka çuar në një rënie të vlerësuar të shkallës së punësimit (që është numri i të punësuarve si përqindje e popullsisë në moshë pune) prej 1 për qind në çerekun e katërt të vitit 2018 në krahasim me çerekun e njëjtë në 2017, një diferencë prej 7900 vende të punës, sipas anketës së fuqisë punëtore.