Pasi që Kosova, në muajin Nëntor të vitit 2018, i vendosi taksën 100% produkteve serbe dhe atyre bosnje e hercegovina, ku një muaj më vonë i vendosi taksë edhe brendeve ndërkombëtare që prodhohen në serbi, kjo taksë sipas bizneseve kosovare ka qenë e saktë nga Qeveria, ku i ndihmoi shumë bizneset që të rritet shitja deri në 30%.

Kjo taksë pos që i ka ndihmuar bizneseve kosovare, që të ketë rritje sa më shumë të shitjeve, po ashtu i ndihmoi edhe qytetarëve që të vetëdijesohen për blerje të prodhimeve vendore.

Po ashtu, sipas statistikave doganore, Serbia ka pësuar shumë humbje të milionave, pas taksës 100% që i vendosi Qeveria e Kosovës.

Por, sipas statistikave doganore, po ashtu Kosova ka arritur që të ketë eksport sa më të mirë, të bizneseve kosovare të prodhimeve vendore.

Pas vënies së taksës 100% kundër Serbisë, shteti i Kosovës importin më të madhë po e bënë nga shtetet fqinje nga Shqipëria dhe Maqedonia. Po ashtu, 57 milionë euro më shumë, janë importuar nga shteti i Shqipërisë këtë vit, se sa vitet e tjera, kurse nga Maqedonia janë importuar më shumë produkte ushqimore në vlerë prej 15 milionë euro.