Lajme

Shtohet numri i pacientëve, shkak temperaturat e larta

Hyrjet e daljet brenda spitalit rajonal të Gjilanit janë rritur e kjo për shkak të temperaturave të larta. Pacientë të shumtë po vijnë të  vizitohen tek mjekët si për shkak se nuk po e durojnë dot të nxehtin.

Ata thonë se këto ditë të nxehta, kanë qenë të vështira për ta.

E këtë po e bëjnë pleqë e të rinjë.

Pacientët në emergjencën e Gjilanit, po vinë me simptoma të vjelljes, barkçitje si dhe helmime.

Fluks të madh me pacientë ka pasur edhe në spitalet e tjera regjionale dhe në qendrat e mjekëseve familjare në të gjitha komunat.

“Të gjithë pacientet të kenë kujdes në ushqim, sidomos pacientet me sëmundje kronike, t’i ikin temperaturave të larta gjatë mesit të ditës dhe të pijnë sa më shumë lëngje”, ishte këshilla e mjekut.

© SuharekaOnline. Të gjitha të drejtat janë të rezervuara.