Shtatë raste dhune në familje brenda 24 orëve në Kosovë, disa të arrestuar

Në lidhje me këto raste, autoritetet kanë arrestuar të dyshuarit, ndërsa viktimat kanë pranuar trajtimin e duhur mjekësor.

Më poshtë rastet e raportuara:

Prishtinë, 23.06.2025 – 12:00

Një person është arrestuar nën dyshimin se kishte sulmuar fizikisht një femër. Viktima ka marrë trajtim mjekësor, ndërsa i dyshuari është dërguar në mbajtje me vendim të prokurorit.

Prishtinë, 23.06.2025 – 16:30

Një mosmarrëveshje mes dy meshkujve ka eskaluar në dhunë fizike. Viktima ka pësuar lëndime trupore dhe është dërguar në QKUK për trajtim. Rasti po hetohet nga njësiti kompetent.

Prishtinë, 23.06.2025 – 17:30

Një tjetër rast dhune në familje është raportuar në kryeqytet, ku një mashkull është arrestuar pasi dyshohet se ka ushtruar dhunë ndaj një femre. I dyshuari është dërguar në mbajtje me vendim të prokurorit.

Gjilan, 23.06.2025 – 18:00

Në Gjilan, një mashkull është arrestuar nën dyshimin për dhunë ndaj një femre. Edhe në këtë rast, pas intervistimit, prokurori ka vendosur që i dyshuari të mbahet në paraburgim.

Pejë, 23.06.2025 – 12:00

Dy persona janë arrestuar pasi dyshohet se kishin ushtruar dhunë ndaj një femre. Pas intervistimit, të dyshuarit janë liruar në procedurë të rregullt me urdhër të prokurorit.

Gjakovë, 22.06.2025 – 23:00

Në Gjakovë, një mashkull është arrestuar për dhunë ndaj një femre. Pas konsultimit me prokurorin, i dyshuari është liruar në procedurë të rregullt.

Vushtrri, 23.06.2025 – 11:00

Një rast i ngjashëm është raportuar edhe në Vushtrri, ku një mashkull dyshohet se ka ushtruar dhunë ndaj një femre. Viktima ka pranuar ndihmë mjekësore, ndërsa i dyshuari është dërguar në mbajtje me vendim të prokurorit.

Policia e Kosovës vazhdon të apelojë për raportimin e rasteve të dhunës në familje dhe ofron mbështetje për viktimat e kësaj dukurie shqetësuese.