Shtatë pjesëtarë të FSK’së që do të kthehen sot nga Turqia do të karantinohen

Shtatë pjesëtarë të Forcës së Sigurisë së Kosovës, të cilët do kthehen nga një trajnim në Turqi do të karantinoren në Qendrën e Studentëve. Këtë e ka konfirmuar Komandanti i Forcës së Sigurisë së Kosovës, gjenerallejtënant Rrahman Rama.

Ai ka treguar se FSK i ka në gjendje gatishmërie 7 ekipe mjekësore, disa autoambulanca dhe një numër të shtretërve nëse ka nevojë.  Rama në këtë intervistë ka folur për tërë angazhimin e Forcës në menaxhimin e situatës së krijuar nga pandemia e Coronavirusit, gatishmërinë e ushtrisë për ndihmë qytetarëve të vendit, pjesëtarin e infektuar dhe ata që janë në vetizolim.

Gjenerlallejtënant Rama, ka bërë me dije se ekipet e specializuara të FSK janë në gjendje gatishmërie varësisht ku paraqitet nevoja për tu angazhuar.

“Realisht ne kemi qenë të angazhuar që na fillimi dhe e kemi ngritur gjendjen e gatishmërisë në nivelin 2. Jemi kryesisht të angazhuar në transportimin qoftë nga aeroporti qoftë nga pikat kufitare. Por ne kemi edhe një detyrë ekstra edhe ata që lirohen prej karantinës,  i transportojmë deri në komunat apo fshatrat e tyre. Ne i kemi vendosur tendat para qendrave të mjekësisë familjare dhe spitaleve kryesore. jemi të angazhuar në qendrën operative të MPB, që të gjitha informacionet varësisht prej nevojës ne jemi të gatshëm të veprojmë”,  tha ai.

Ai ka thënë se hapi i parë që e kanë marrë ka qenë kujdesi për personelin e FSK-së,  që të jenë në gjendje të mirë shëndetësor që tu dalin në ndihmë qytetarëve dhe institucioneve të Republikës së Kosovës.

Rama ka thënë se FSK është angazhuar në menaxhimin e pandemisë duke u bazuar në situatën e krijuar.

“Ne jemi të angazhuar mbi bazën e ligjeve dhe rregulloreve  që i ka.  Jemi mbi bazën e situatës së krijuar prej pandemisë. I kemi njësitë e specializuara që angazhohen bazuar në ligjet dhe rregulloret e brendshme. Normalisht bazuar në angazhimin dhe ngritjen dhe gjendjes emergjente në nivel shteti”, tha Rama për Ekonomia Online.  

Rama ka thënë se deri më tani FSK e ka të infektuar vetëm një pjesëtarë dhe disa të tjerë në vetizolim.

“Po patjetër prej ditës së parë, obligim i imi dhe të gjithë neve është ta ruajmë vitalitetin e organizatës. Ne kemi bërë dezinfektimin dhe e kemi reduktuar numrin e ushtarëve oficerëve dhe nën ofcierëve. Ne i kemi angazhuar njësitë e specializuara mbi bazën e vlerësimit që e kemi bërë dhe bazuar në  bazuar në epideminë dhe i kemi njësitë e specializuara, qoftë  regjimenti i mjekësisë, logjistika,njësitë e kërkim shpëtimit. Varësisht prej nevojave ne i kemi disa njësitë specializuara  që mund të kenë angazhim në këtë periudhë më pandeminë. Por edhe një pjesë e stafit . Qendra operative e shtabit është e angazhuar në 24/7 dhe kemi kontakte me të gjitha institucionet. Zyrtarisht e kemi vetëm një rast. Kemi pasur trajnime biletarale  jashtë vendit dhe kemi marr masat që kur janë kthyer janë vetizoluar. Zyrtarisht e kemi vetëm një rast që një pjesëtarë ka dalë pozitiv. Fatbardhësisht, është në gjendje të mirë, nën kujdesin e mjekëve.  Ne i kemi disa izolime në disa komuna, fshatra, regjione që ka pjesëtarë tonë që janë në vet izolim. “, ka deklaruar Rama.

“Ne i kemi pasur 22 pjesëtarë në Shqipëri dhe kur janë kthyer i kemi vet izoluar , nuk kanë pasur ndonjë simptomë. Janë kryer testet dhe ata vazhdojnë punën. Sot vjen një pjesë prej Turqie, 7 janë pjesëtarë të FSK dhe pas dy javëve do të bëhen testeve.  Ne u përmbahemi rregullave të shtetit, edhe ata jnë qytetarë të Kosovës. Kemi pasur edhe më herët 3 prej tyre, kanë dalë negativ mas testimeve”, tha ai. Rama ka thënë se komanda nuk janë trajnuar.   “Nuk kemi asnjë simptomë i kemi ekipet tona mjekësore që i bëjnë kontrollat.  Ekipet kanë bërë kontrolle për të gjithë personelin aktiv sepse ne i ndërrojmë, disa punojnë një javë të plotë disa dy, nuk kemi asnjë simptomë”, thënë ai.

“Kemi bashkëpunim me spitalin qendror dhe kur e vlerësojmë se ka nevojë t’i bëjmë testet do të bëjmë si të gjithë qytetarët. I kemi shtatë ekipe aktive, automabulanaca, kemi disa shtretër.  Jemi të gatshëm kurdo që kanë nevojë. Por shpresojmë të mos kemi nevojë t’i përdorim këto kapacitete”.

Ai ka thënë se nuk i kanë pranuar mjetet e ndara nga Qeveria në mënyrë që ato tu ndahen njerëzve që kanë më shumë nevojë.

“Ne duhet ta kuptojmë nuk është refuzim por solidarizim me qytetarët, duke i marrë për bazë ekonominë e vendit dhe kategoritë e ndryshme që kanë nevojë nuk është refuzim. Ushtarët kanë nevojë për mjete por ne kemi diskutuar me stafin, ministrin dhe kemi ardhur në përfundim që gjendja jonë është në nivel mesatar dhe ka ekzistuar vullneti që ato mjete të dedikuara për pjesëtarët tonë në shërbim ti dedikohen një kategorie që  ka nevojë më  shumë.  Humanitet i FSK-së për kategoritë që kanë më shumë nevojë në këtë kohë.  Realisht ne nuk e kemi bërë që dikush ta pret por,  nëse e shohim në nivel global dhe çdo institucion solidarizohet,  nëse e vlerësojmë punën e mjekëve ushtarëve dhe policëve është punë e shenjtë.  Duke e marrë parasysh gjendjen ne kemi vlerësuar që ka kategori që kanë më shumë nevojë. Misioni dhe detyra jonë është  fisnike. Ne duhet të jemi të gatshëm që ta japim jetën, ne e bëjmë një betim dhe me vullnet e kemi pranuar se jemi në shërbim të popullit dhe qytetarëve”, tha thënë ai.

Rama ka thënë se FSK-ja është gatshme të angazhohet në rast se shpallet gjendja e jashtëzakonshme.

“Ne jemi ushtri dhe ne funksionojmë duke u bazuar. Në zbatojmë urdhra dhe japim urdhra. Cfarëdi situate që vjen, nuk është çështje e jona por çfarëdo vendimi ne jemi të gatshëm që ta zbatojmë”, tha ai.

RAPORTO