Shkollat e Kosovës, me tekste të reja në vitin e ardhshëm

22.12.2018 Lajme

Ministria e Arsimit është duke i hartuar tekstet e reja shkollore për nivelet para universitare, këto hartime janë duke u bërë për shkak se në tekstet shkollore ekzistojnë shumë gabime, ku dhe aty përfshihet gjuha diskriminuese për kategori të caktuara të shoqërisë dhe disa gabime tjera shkencore e historike.

Pasi janë bërë disa analiza viteve të fundit lëndët: Histori, Biologji, Psikologji, Sociologji dhe Edukatë Qytetare, në këto lëndë jan raportuar mbi 100 raste nga nxënësit e mësimdhënësit që në këto tekste të këtyre lëndëve përmbajnë gjuhë diskriminuese e përjashtuese.

Pse të shkojmë tek mjeku kur ndihemi mirë?!

Për Radio Kosovën këtë problem e kishte bërë të ditur Trina Binaku nga Nisma e të Rinjve për të Drejtat e Njeriut, ajo kishte thënë se pas këtyre gjetjeve i është rekomanduar Ministrisë së Arsimit të hartohen tekste të reja për disa lëndë, dhe duhet të vlerësohen nga ana e ekspertëve.

Smajli ka thënë se mund të arsyetohen me faktin që kanë filluar grupi punues për tekste shkollore, dhe ai tha se shumë nga këto libra përmbajneë fakte shkencore që nuk janë fakte.

“Mund të arsyetohen me faktin që ka filluar grupi punues për tekste shkollore, por po ecë shumë ngadalë dhe marrëveshjet e tyre me shtëpitë botuese janë problematike. Shumë nga këto libra përmbajnë fakte shkencore që nuk janë fakte, ku asnjëri prej tyre nuk ka ndonjë referencë, si p.sh kujt i është referuar paragrafi “Femra kanë tendenca më shumë te jenë ambicioze dhe depresive”, ka thënë Smajli.

Kurse Shyqiri Bytyqi, i cili është Ministër i Arsimit, deklaroi për Radio Kosovën se dorëshkrimet e para të teksteve të reja, i janë dorëzuar në Ministri dhe deri në fund të këtij muaji do të dorëzohet edhe pjesa e dytë, tha Bytyqi, po ashtu bëri të ditur se tekstet e reja përkujdesën recensentët, të cilët do të zgjidhen nga një komision ekspertësh.

Bytyqi tha se: “Recensentët do të jenë ata që do të marrin vendim se cila libër i plotëson kriteret në përputhshmëri me kurrikulat që tashmë i kemi në zbatim. Të gjitha dobësitë që janë vërejtur me vite, ne do t’i kemi tekstet e reja dhe recensenti e ka për obligim për të parë që janë eliminuar ato dobësi, qoftë edhe gabime materiale që kanë ekzistuar, qoftë edhe për shumë fjali fyese për kategori të ndryshme”.

Ministri i Arsimit Shyqiri Bytyqi, njoftoi se hartimi i teksteve të reja që është në proces do të jenë të gatshme të shpërndahen nëpër shkollat e Kosovës për vitin e ri shkollor 2019/2020. Po ashtu do të ketë edhe tekste ndihmës për mësimdhënësit për t’ia lehtësuar punën e tyre me materiale shtesë dhe udhëzim përdorimi.

Bytyqi bëri të ditur se tashmë është hartuar edhe draftligji për tekste shkollore, i cili është në diskutim publik dhe se së shpejti, do të jetë në Qeveri për miratim.