Shfaqet pengesa tjetër nga taksa, për vendimin e NATO-s

Për shkak të mospezullimit të taksës, është duke u shfaqur edhe një pengesë tjetër, kjo ka të bëjë me raportet e NATO-s me shtetin e Kosovës.

Pas përfundimit të takimit të ministrave të Mbrojtjes në Bruksel, Sekretari i Përgjithshëm i NATO-s, Jens Stoltenberg, ka thënë se aleatët, në krye me SHBA-në, janë shumë të shqetësuar për taksën e vënë nga qeveria e Kosovës ndaj mallrave serbe dhe atyre të Bosnjës dhe e shohin atë si pengesë për dialogun me Beogradin, transmeton KTV.

Gjatë një konference të fundit të samitit, Stoltenberg theksoi se vendosja e taksës ndaj mallrave serb dhe bosnjës, nuk nidhmon asnjë mënyrë, ku kjo vështirëson dialogun me Beogradin.

“Më duhet të them se vendosja e tarifave të larta ndaj Serbisë dhe Bosnjës nuk ndihmon në asnjë mënyrë. Në fakt, e vështirëson shumë dialogun me Beogradin. Këto tarifa po e dërgojnë procesin në drejtim të gabuar. Kjo është diçka që unë dhe shumë aleatë të NATO-s e mendojmë. Tani e kemi parë që edhe Shtetet e Bashkuara të Amerikës kanë qenë shumë të qarta kundër vendosjes së kësaj tarife. Kjo është edhe një arsye pse tani do të marrim vendim për nivelin e angazhimit me Kosovën”, ka thënë Stoltenberg në konferencën e fundit të samitit.

RAPORTO