Kjo javë është java e dytë e grevës, e organizuar nga SBAShK-u për arsye të rritjes së koeficientit të pagave deri në 30%, por Qeveria e Kosovës nuk po merr masa, kryeministri i Kosovës, Ramush Haradinaj i kishte ofruar një ofertë SBAShK-ut, që ti dhurohen 20 milionë euro, por kjo sindikatë nuk e pranoi këtë ofertë.

Duke shikuar me kujdes, projektligjin për pagat, thuhet se paga më e vogël e një mësimdhënësi të institucionit parashkollorë, që i bie të ketë pagën 454 euro, nëse e kthejmë në koeficient thuhet se është 1.9.

Po ashtu, duke shikuar rrogat më të mëdha të mësimdhënësve, është ajo e profesorit të rregullt universitar, ku thuhet se rroga e tyre është rreth 1,4841 euro.

Ndërsa rroga e një profesorit të asocuar universitar, rroga e tij është 1,242 euro, profesori asistent 1,195 euro.

Kthehemi, tek shkolla e mesme ku rroga e një profesori të shkollës së mesme është 549 euro, kurse mësimdhënësi në shkollën fillore rroga e tij është 478 euro.

Sipas projektligjit për pagat, drejtorët e shkollave fillore rroga e tyre është 597 euro, kurse i zv. drejtorit rroge e tij është 549 euro, këto statistika i bëri të ditur RTV Dukagjini, raportoi Telegrafi.

Por, Mësimdhënësit nuk pajtohen me këto koeficientë, ata dëshirojnë rritjen e koeficientit deri në 30%.

Nëse do të i kalkulonim rrogat e profesorëve të universitetit nëse do të ishte koeficienti në 30%, rroga e profesorit të rregullut do të ishte 1,720 Euro, rroga e profesorit të asocuar do të ishte 1.481 Euro, rroga e profesorit asistent do të ishte 1.434 euro, dhe rroga e ligjëruesit të universitetit do të ishte 1.314 euro.

Kurse rrogat e profesorëve të shkollës së mesme, mësimdhënësve të shkollave fillore, dhe drejtorëve të shkollave fillore, dhe zv. drejtorat nëse do të ishte koeficienti në 30%, rroga e profesorit të shkollës së mesme do të ishte 788 euro, rroga e një mësimdhënësi në shkollën fillore do të ishte 621 euro, rroga e drejtorit të shkollës fillore do të ishte 836 euro, dhe rroga e zëvendës drejtorit do të ishte 788 euro.