Rritet numri i të infektuarve me COVID-19, 1,315 raste aktive dhe 650 viktima

Instituti Kombëtar i Shëndetësisë Publike në Kosovë ka njoftuar se gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 650 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 80 raste pozitive.

Sipas njoftimit të IKSHPK-së thuhet se brenda 24 orëve është raportuar një rast i vdekjes me SARS CoV-2 pozitiv (1 rast MIQ, QKUK), duke e arritur numrin total të viktimave deri më tani në 650, transmeton SuharekaOnline.

Numri total i rasteve pozitive është 16.425 raste nga 76.623 persona të dyshimtë në virusin SARS-CoV-2.

Gjatë 24 orëve të fundit, janë shëruar 55 pacientë derisa numri i përgjithshëm i të shëruarve deri më sot është gjithsej 14.460 raste, kurse numri i rasteve aktive është 1.315.

Kujtojmë se dje në Komunën e Suharekës IKSHPK ka identifikuar 4 raste pozitive me COVID-19, në vendbanimet: Greikoc, Samadrexhë, Studençan dhe Suharekë, shkruan SuharekaOnline.

Ndërsa rastet tjera pozitive janë nga këto komuna:  Prishtinë 17 raste, komuna Pejë 10 raste, komuna Podujevë 10 raste, komuna Fushë Kosovë 8 raste, komuna Gjakovë 7 raste, komuna Gjilan 6 raste, komuna Prizren 5 raste, komuna Shtime 3 raste, komuna Deçan 2 raste, komuna Drenas 2 raste, komuna Ferizaj 2 raste dhe me nga një rast komunat Klinë, Skenderaj, Viti dhe Vushtrri.

© SuharekaOnline. Të gjitha të drejtat janë të rezervuara.