Rreth 200 operacione në ditë po anulohen për arsye të grevës së kirurgëve

10.01.2019 Lajme

Në Qendrën Klinike Universitare të Kosovës (QKUK) rreth 200 operacione kryhen në ditë, por ato operacione janë duke u anuluar për arsye të grevës së mjekëve kirurgë, që ka filluar tash e 3 javë.

Kjo grevë u organizua nga Federata Sindikale e Shëndetësisë e cila hyri në fuqi më 26 Dhjetor 2018 dhe zgjati hiq më pakë se 72 orë. Ku më pas Blerim Syla, kryetari i Federatës Sindikale të Shëndetësisë, pasi u takua me zyrtarë qeveritarë ka hapur rrugën për dialog sociale, ku dha urdhër që greva të ndalohet.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

Por, mjekët kirurgë insistuan që ta vazhdojnë këtë grevë, kërkesa e tyre ka të bëjë me rritjen e pagave përmes miratimit të Projektligjit për pagat, kjo kërkesë aktualisht është në procedurë të miratimit.

Sipas një njoftimi nga një kirurg i quajtur Arbër Morina, për Radio Evropa e Lirë tha se kirurgët kanë vendosur që greva të mos ndërpritet, kësaj greve i janë bashkuar 157 kirurgë nga e gjithë Republika e Kosovës.

Kirurgi Arbër Morina tha se: “Arsyeja pse kolegjiumet profesionale të kirurgëve jemi në grevë është se Sindikata asnjëherë nuk na ka përfaqësuar denjësisht apo më saktë, asnjëherë nuk e ka çuar deri në fund kërkesën e profesionistëve shëndetësorë, andaj edhe shëndetësia është në gjendjen që është”.

“Ne jemi kolegjium profesional i pa politizuar, pa ngjyrime politike dhe jemi grupi më i madh i intelektualëve të Kosovës. Jemi 157 kirurgë terciarë dhe nuk jemi grup i vogël, dhe nëse quhemi grup i vogël, është për të ardhur keq”, tha Morina.

Sipas Morinës, për këto 20 vjet pas luftës, kirurgët kanë bërë shumë, andaj nënvizon ai, ka ardhur koha që kjo punë të vlerësohet.
Qeveria pret që grevat në sektorin e shëndetësisë të ndërpriten, në mënyrë që t’i jepet shans dialogut rreth rritjes së pagave, sipas Projektligjit aktual i cili po pret miratimin nga Kuvendi i Kosovë.