Realizohen kërkesat e studentëve, mësimi në Universitete fillon në mënyrë fizike
Parlamenti Studentor i Universitetit të Prishtinës ‘Hasan Prishtina’ ka njoftuar se janë realizuar kërkesat nga konferenca parlamenteve studentore. Parlamenti Studentor i Universitetit të Prishtinës përmes një postimi në facebook kanë njoftuar se mësimi ka filluar në mënyrë fizike. Gjithashtu ata kanë bërë të ditur se të gjithë studentët e nivelit Bachelor janë liruar nga pagesa, […]
Parlamenti Studentor i Universitetit të Prishtinës ‘Hasan Prishtina’ ka njoftuar se janë realizuar kërkesat nga konferenca parlamenteve studentore.
Parlamenti Studentor i Universitetit të Prishtinës përmes një postimi në facebook kanë njoftuar se mësimi ka filluar në mënyrë fizike.
Gjithashtu ata kanë bërë të ditur se të gjithë studentët e nivelit Bachelor janë liruar nga pagesa, studentët e nivelit master dhe doktoraturës 50% janë liruar nga pagesa, shkruan SuharekaOnline.
Tutje është bërë e ditur se studentët e vitit të parë që vijnë nga Lugina e Preshevës janë liruar nga pagesa e semestrit të parë.
Njoftimi i plotë:
REALIZOHEN KËRKESAT E KONFERENCËS SË PARLAMENTEVE STUDENTORE
Pas kërkesave të shtruara nga Konferenca e Parlamenteve Studentore, në takimin e së premtes (29.01.2021) me Kryeministrin e Republikës së Kosovës, të gjitha kërkesat janë realizuar.
Mësimi në semestrin e dytë (2020/21) do të zhvillohet fizikisht
Do të hapen bibliotekat
Lirohen nga pagesa të gjithë studentët e nivelit Bachelor (0 euro)
Lirohen 50% nga pagesa të gjithë studentët e nivelit Master
Lirohen 50% nga pagesa të gjithë studentët e nivelit të Doktoraturës
Studentët nga Lugina e Preshevës përfitojnë nga bursat e MASh Studentët nga Lugina e Preshevës nuk paguajnë pagesën e semestrit në vitin e parë të studimeve
Projekti “FUNZONE” do të bëhet në 14 fakultetet e Universitetit të Prishtinës
50,000 euro për Bibliotekën Elektronike
200,000 euro për mobilitetet e studentëve ndërmjet universiteteve shqiptare në rajon
Vendimet zyrtare nga MASh dhe Qeveria e Republikës së Kosovës publikohen ditëve në vijim.
Ky është vetëm fillimi i punës për 2021 nga Konferenca e Parlamenteve Studentore.