Ramush Haradinaj mesazh Mogherini-t dhe Danielsson

Kryeministri i Republikës së Kosovës, përmes një postimi në llogarinë e tij zyrtare në Facebook, paraqiti një lloj mesazhi për shefen e politikës së jashtme të BE-së Federica Mogherini dhe për Danielsson.

Ai tha se kjo është fjala ime e plotë për Këshillin e Tretë të Stabilizim Asociimit ndërmjet Kosovës dhe BE-së, sot në Bruksel.

Kryeministri Haradinaj, deklaroi se Republika e Kosovës mirëpret Këshillin e Tretë të Stabilizim Asociimit ndërmjet Kosovës dhe BE-së, me qëllim të rishikimit të progresit dhe sfidave në rrugën tonë europiane.

Ramush Haradinaj, shtoi se ne jemi duke punuar pandërprerë për anëtarësimin në BE si prioritet i lartë, dhe që të arrijmë zbatimin e plotë të MSA-së, dhe të respektojë obligimet e kontratës sonë të përbashkët.

Haradinaj në këtë takim, tha se nuk do të hiqet taksa 100% ndaj Serbisë, e cila kjo temë ishte shum e nxehtë nga ana e Mogherinit, e cila insistoi fuqishëm që të hiqet taksa, por kryeministri tha se taksa do të qëndrojë deri sa Serbia ta njehë Kosovën si shtet.

Kryeministri i Kosovës, tha se nuk ka vend në Europë më të përkushtuar ndaj idealeve të Bashkimit Europian se sa Kosova. Vlerat tona janë vlerat tuaja, shpresat tona për fëmijët tanë janë të njëjta me shpresat tuaja për fëmijët tuaj.

Më poshtë mund ta shihni postimin e Kryeministrit të Republikës së Kosovës, z. Ramush Haradinaj.