05.09.2019, 11:32

Ramush Haradinaj: Janë 35 mijë veteranë të vërtetë të UÇK-së

Kryeministri në detyrë, njëherit edhe kryetari i partisë Aleanca për Ardhmërinë e Kosovës, Ramush Haradinaj ka folur për numrin e veteranëve, ku thot se a ka ndonjë raport që e tregon që kanë qenë 60 mijë veteranë.

Po ashtu Haradinaj, ka akuzuar Partinë Demokratike të Kosovës dhe Lidhjen Demokratike të Kosovës për kapjen e shtetit.

Haradinaj, tha se veçanërisht, PDK-ja duhet të japë përgjegjësi se si e ka sjell Kosovën në këtë gjendje.

“Për kapjen e shtetit janë përgjegjëse PDK dhe LDK, ata duhet me dhanë përgjegjësi se përse është kapur shteti. Unë jam bërë kryetar qeverie në bazë të ligjit dhe kushtetutës. Ka ballafaqim për të gjithë ata nëse ka kaq shumë aktakuza”, tha Haradinaj.

LEXO EDHE:  Ish-eprori i lartë i UÇK-së intervistohet nga Gjykata Speciale

Haradinaj ka folur edhe për heshtjen e veteranëve për të cilën tha ai se nuk do të lejojë askënd t’i nëpërkëmb ata kushdo që do ta marr postin.

Ai poashtu mohoi se numri i veteranëve është 60 mijë.

“Nuk e di se janë 60 mijë veteranë, a ka ndonjë raport që e tregon këtë, sepse unë e di që janë 35 mijë veteranë. Unë nuk ja mohoj pjesëmarrjen në luftë të gjithë të rriturve në atë kohë. Nuk i lë askënd me i nëpërkëmb veteranët kushdo që qohet në këmbë”, ka thënë Haradinaj.

Këto komente Haradinaj i bëri në debatin e radhës “Talk the Talk”.

© SuharekaOnline. Të gjitha të drejtat janë të rezervuara.