Qeveria e Kosovës nuk ndryshon qëndrim për rritjen e pagave për mësimdhënësit

23.01.2019

Kjo javë është java e dytë e grevës së përgjithshme të arsimit, SBAShK-u ka hyrë në këtë grevë për shkak të rritjes së koeficientit të pagave deri në 30%, por Qeveria e Kosovës para 3 dite kishte mbajtur një takim me kryesinë e SBAShK-ut dhe i ofroi një ofertë për rritjen e pagave, ku Qeveria […]

Qeveria e Kosovës nuk ndryshon qëndrim për  rritjen e pagave për mësimdhënësit Foto: Ilustrim

Kjo javë është java e dytë e grevës së përgjithshme të arsimit, SBAShK-u ka hyrë në këtë grevë për shkak të rritjes së koeficientit të pagave deri në 30%, por Qeveria e Kosovës para 3 dite kishte mbajtur një takim me kryesinë e SBAShK-ut dhe i ofroi një ofertë për rritjen e pagave, ku Qeveria i ofroi 20 milionë euro për mësimdhënësit por, SBAShK-u nuk e pranoi atë ofertë.

Qeveria e Kosovës tregoi se a do të ketë ofertë tjetër për rritjen e koeficientit të pagave deri në 30%, por siç bëhet e ditur nga Avni Arifi, shefi i kabinetit të kryeministrit të Kosovës, Ramush Haradinaj, thuhet se kjo është rritja e fundit dhe nuk do të ketë oferta të reja, pavarësisht SBAShK-ut që po kundërshton atë ofertë.

Po ashtu thuhet se Qeveria e Kosovës nuk ka buxhet të mjaftueshëm për rritje të pagave për mësimdhënësit.

Avni Arifi, për gazeta blic tha se: “Vendimi që ka marrë Qeveria nuk ka qenë ofertë, por vendim. Nuk do të ketë bisedime. Ne ju kemi bërë ftesë që ta pranohet ky vendim dhe të mos i lejojnë fëmijët të mbesin nëpër shtëpi, përndryshe nuk do të ketë zhvillime”.

Avni Arifi tha se për këtë grevë të SBAShK-ut dhe grevat e tjera ka ndërhyrje politike tek krerët e sindikatave.

“Ka ndërhyrje politike tek sindikalistët dhe ka abuzime me shumë punëtorë të arsimit. Që po ju thonë rrini në grevë sepse Qeveria do të ndryshojë qëndrim. E keqja më e madha është që Qeveria nuk do të ndërrojë vendim kjo është maksimumi që ka mundur të bëjë dhe këtu përfundon çdo gjë”.

Por, Këshilli i Prindëve thuhet se nuk janë të pajtimit që të vazhdojë greva sepse kjo grevë po dëmton nxënësit.