Protestojnë punëtorët, “Duart larg nga Monego”
Para objektit të Bankës Qendrore të Kosovës sot kanë protestuar punëtorët e institucionit financiar jo bankar “Monego”, të cilët kanë kërkuar që t’u rikthehet licenca. Protesta është zhvilluar e qetë, me pjesëmarrësit që mbanin pankarta në duar me mbishkrimin “Duart larg nga Monego”. Ditë më parë Banka Qendrore e Kosovës (BQK) gjatë një konference të […]
Para objektit të Bankës Qendrore të Kosovës sot kanë protestuar punëtorët e institucionit financiar jo bankar “Monego”, të cilët kanë kërkuar që t’u rikthehet licenca.
Protesta është zhvilluar e qetë, me pjesëmarrësit që mbanin pankarta në duar me mbishkrimin “Duart larg nga Monego”.
Ditë më parë Banka Qendrore e Kosovës (BQK) gjatë një konference të jashtëzakonshme ka bërë të ditur se ka marrë vendim të mbyll dy institucione mikrofinanciare që veprimtarinë e tyre e kanë zhvilluar në Republikën e Kosovës.
Dy institucionet mikrofinanciare të cilat janë mbyllur janë: IuteCredit dhe Monego.
Ky vendim i menjëhershëm nga BQK-ja ka ardhur pasi që dy institucionet që operonin në Kosovë kanë shkelur vazhdimisht rregullat e operimit.