Protestë për rrymën paralajmëron edhe një tjetër kryetar komune.

Bashkim Ramosaj, Kryetari i Komunës së Deçanit paralajmroi protestë, për shkak të ndërprerjës së energjisë elektrike nga kompania energjetike KEDS e cila nuk po siguron rrymë për banorët e kësaj komune, po ashtu protestë ka paralajmëruar edhe komunat tjera si Komuna e Suharekës, e cila po përballet me orë të tëra pa rrymë deri në 13-14 orë pa rrymë.

Ramosaj në llogarin e tij zyrtare në Facebook ka njoftuar se do të ketë protesta nëse KEDS-i nuk siguron rrymë për banorët e kësaj komune, “Pas situatës së krijuar me gjendjen e rrymës në komunën e Deçanit, sot ftova në zyrën time përfaqësuesit e KEDS-it, me këtë rast adresova kërkesën për ndërhyrje emergjente në afat sa më të shpejtë,në të kundërten do të ftoj qytetarët në protestë”.

Ramosaj është kryetari i dytë që bënë paralajmrim për protestë për ndërprerjen e energjisë elektike, pasi kryetari i parë që paralajmroi protestë të tillë është Bali Muharremaj, kryetar i komunës së Suharekës.