Prokuroria Speciale lëshon letër-arrest ndërkombëtar për Milan Radojiçiqin
Në kuadër të hetimeve për rastin e vendosjes së barrikadave në veri të Kosovës në vitin 2022, Prokuroria Speciale ka lëshuar letër-arrest ndërkombëtar ndaj Milan Radojiçiqit. Këtë e mëson Gazeta Express nga burime të saj.
Foto: Ilustrim
Për këtë rast, janë duke u hetuar dhjetëra persona, përfshirë disa pjesëtarë të Listës Serbe si: Zlatan Elek, Igor Simiq, Goran Rakiq dhe Slavko Simiq.
Nga dhjetori i vitit 2022, disa nga rrugët e veriut ishin bllokuar për tri javë me automjete të rënda. Barrikadat ishin vendosur pas arrestimit të ish-zyrtarit policor serb, Dejan Pantiq, i cili dyshohet se ka kryer vepra penale terroriste.
Lëshimi i këtij letër-arresti ndërkombëtar ndaj Radojiçiqit shënon një hap të rëndësishëm në procesin e drejtësisë për ngjarjet në veri të vendit.
