Presidentja Osmani takon Kongresistin Self në Uashington, diskutohet për sigurinë në Kosovë
Presidentja e Kosovës, Vjosa Osmani, gjatë vizitës së saj në Uashington DC, ka zhvilluar një takim me kongresistin Keith Self, Kryesues i Nënkomitetit për Evropën i Komisionit të Punëve të Jashtme të Dhomës së Përfaqësuesve.
Nëpërmjet një postimi në rrjetin social Facebook, Presidentja Osmani ka bërë të ditur se në takim u diskutua për sfidat e sigurisë në Kosovë dhe rajon, si dhe për rëndësinë e partneritetit me Shtetet e Bashkuara të Amerikës për paqen dhe stabilitetin.
“Gjatë vizitës në Washington D.C, u takova sërish me Kongresistin Keith Self, Kryesues i Nënkomitetit për Evropën i Komisionit të Punëve të Jashtme të Dhomës së Përfaqësuesve,” ka shkruar Presidentja Osmani. “Diskutuam për sfidat e sigurisë në Kosovë dhe rajon, si dhe rëndësinë e partneritetit me SHBA-të për paqen dhe stabilitetin.”
Ky takim vjen në një kohë kur Kosova po përballet me sfida të ndryshme, përfshirë ato të sigurisë. Partneriteti me SHBA-të konsiderohet si një faktor kyç për ruajtjen e paqes dhe stabilitetit në vend dhe në rajon.
