Presidenti i Shqipërisë viziton Kosovën në shënim të Ditës së Pavarësisë

Vizita e tij përkon me shënimin e Ditës së Pavarësisë së Kosovës, duke e bërë këtë ngjarje edhe më të veçantë.

Presidenti Begaj do të shoqërohet nga një delegacion i lartë shtetëror, dhe pritja e tyre pritet të jetë e ngrohtë dhe festive, duke marrë parasysh lidhjet e ngushta dhe vëllazërore midis dy vendeve.

Policia e Kosovës ka marrë të gjitha masat e nevojshme për të siguruar një vizitë të qetë dhe të sigurt. Ajo do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë.

Me rastin e shënimit të Ditës së Pavarësisë, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore) të disa segmenteve rrugore dhe në afërsi të objekteve shtetërore, ku do të ketë riorientim të trafikut në rrugë alternative. Kjo masë është e nevojshme për të mundësuar qarkullim të lirë sipas itinerarit dhe zhvillimin e aktiviteteve sipas agjendës. Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.