Presidenca çeke: Po përpiqemi të arrijmë marrëveshje për vizat sa më shpejtë të jetë e mundur

  • 17.11.2022
Presidenca çeke: Po përpiqemi të arrijmë marrëveshje për vizat sa më shpejtë të jetë e mundur

Grupi punues i Bashkimit Evropian për viza, ende nuk e ka kaluar propozimin e Çekisë për liberalizimin e vizave për Kosovën. Presidenca e këtij shtetit ndër tjerash, ka thënë se nuk do të ndalen deri tek gjetja e një kompromisi të favorshëm për Kosovën për liberalizim.

Ani pse Spanja e Sllovakia kanë dërguar vërejtjet e tyre tek Çekia, që kryeson me Presidencën e Këshillit të Bashkimit Evropian, kjo nuk ka shuar të gjitha shpresat që liberalizimi i vizave të ndodh në fund me 1 dhjetor 2023.

Të paktën kështu ka thënë Përfaqësuesja e Presidencës Çeke në këtë institucion të rëndësishëm të BE-së.


“Negociatat për liberalizimin e vizave për Kosovën po vazhdojnë. Presidenca çeke mori disa reagime për propozimin, kështu që ka ende disa pyetje që duhen sqaruar. Ne patjetër po punojmë shumë dhe ende shpresojmë se do të jemi në gjendje të bëjmë një kompromis të mirë edhe për Kosovën dhe BE-në. Fatkeqësisht, nuk mund të flas as për shtetet anëtare konkrete dhe shqetësimet e tyre dhe as për hapat e ardhshëm që do të vendosim, pasi kjo mund të ndikojë në përpjekjet tona për të arritur një marrëveshje sa më shpejt të jetë e mundur për Kosovën”, thuhet në përgjigjen e Presidencës çeke.

E për shtyrjen edhe për një muaj tjetër, të vendimit që Kosovës i heq regjimin e vizave, presidenca çeke nuk e ka konfirmuar ende një gjë të tillë.

Megjithatë, nga zyra e Besnik Bislimit shprehen optimist se ky proces do të përfundoj së shpejti.

“Kosova i ka plotësuar kriteret dhe kërkojmë që ky vendim të merret sa më shpejt. Ne shpresojmë që të ketë konsensus të plotë mes shteteve anëtare dhe të riafirmohet qëndrimi i mëhershëm i Komisionit dhe Parlamentit Evropian. Çështja vazhdon të jetë në procedurë në Grupin teknik të vizave, që pritet të takohet sërish javën tjetër. Presidenca Çeke po punon intenzivisht me shtetet anëtare për të adresuar shqetësimet e tyre”, ka deklaruar Klisman Kadiu, këshilltar i zëvendëskryeministrit Besnik Bislimi.

Ne ndërkohë, anëtarë të shoqërisë civile, thonë se rasti i vizave për Kosovën, stimulon shtetet anëtare të vendosin në të ardhmen në bazë të parapëlqimeve politike.

“Tani kemi të bëjmë me vendime politike që iu jep mundësi vendeve anëtare të votojnë në bazë të parapëlqimeve politike dhe paragjykimeve politike, e jo bazuar në faktet teknike që tregohen qartë nga Komisioni Evropian që Kosova i ka përmbushur tash e disa vite më parë. Kjo madje mund të krijojë një lloj averzioni ndaj vendimmarrjes së BE-së dhe BE-së si institucion supranacional, pasi legjitimiteti i BE-së varet edhe nga shpërblimi që u ipet vendeve kur ato shënojnë progres  në fusha të caktuara” ka thënë Arbër Fetahu nga GLPS.

Propozimi i Çekisë, ishte që hyrja në fuqi e liberalizimit të vizave për Kosovën të lidhej me funksionalizimin e sistemit të udhëtimit ETIAS, siç kërkoi Franca, por që data e fuqizimit të vendimit të jetë jo më vonë se 1 dhjetori i vitit 2023.

Ky propozim kishte kaluar në të ashtuquajturën procedurë të heshtur, që të gjitha shtetet anëtare të BE-së, t’i paraqesin vërejtjet e tyre.

Në rast se nuk do të kishte vërejtje, atëherë do të kalonte për miratim ky propozim tek ambasadorët e BE-së, mirëpo kjo u prish nga Spanja e disa shtete tjera./Dukagjini/

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë