Policia intensifikon masat, gjoba për mosrespektim të këmbësorëve dhe shkelje të tjera përmes kamerave

Në një njoftim zyrtar, PK thekson se një ndër shkeljet që do të monitorohet me rigorozitet është “mos respektimi i këmbësorëve në vendkalim të shënuar”. Policia ka paralajmëruar se shkelësit do të identifikohen përmes kamerave dhe radarëve dhe gjobat do të dërgohen në adresë të pronarit të automjetit.

“Identifikimi i kundërvajtjeve ‘mos respektim i këmbësorëve në vendkalim të shënuar’! Dërgimi i gjobave në adresë të pronarit të automjetit për kundërvajtjet e identifikuara përmes kamerave dhe radarëve! Respektoni rregullat e trafikut dhe kontribuoni në sigurinë rrugore! Siguria në rrugë është përgjegjësi e përbashkët!”, thuhet në komunikatën e Policisë së Kosovës.

Ky veprim i Policisë vjen si pjesë e përpjekjeve të vazhdueshme për të rritur sigurinë rrugore dhe për të parandaluar aksidentet. Autoritetet u bëjnë thirrje të gjithë pjesëmarrësve në trafik që të respektojnë rregullat dhe sinjalistikën rrugore, duke theksuar se siguria është një përgjegjësi kolektive.