Gjatë këtyre 2 muajve, po ndodhin shumë grabitje të armatosura nëpër qytete të ndryshme të Kosovës, por Policia e Kosovës po arreston shumë grabitës, ku së fundmi arrestoi edhe 4 persona në Prishtinë për përfshirje në grabitje.

Për këto arrestime që po ndodhin jo rastësisht nga Policia e Kosovës, e konfirmon për kallxo.com edhe vetë zëdhënësja e Policisë për rajonin e Prishtinës, znj. Florie Ahmeti.

Këto arrestime, kanë ndodhur për shkak të një grabitje më 18 dhjetor të vitit 2018, në rrugën ‘Rinia’ në Prishtinë.

Florie Ahmeti shtoi se “Nga një operacion i cili është realizuar para pak minutash, janë arrestuar katër persona të dyshuar, të cilët dyshohet se janë përfshirë në një grabitje e cila ka ndodhur me datë 18 dhjetor 2018 rreth orës 22:00 në rrugën ‘Rinia’ në Prishtinë”.

Kjo grabitje ndodhi si në ndonjë film aksion, ku grabitësit ishin të maskuar dhe nën kërcnimin e armëve me revole dhe thikë, ata kryen grabitjen, ku Policia e Kosovës ishte nën hetime për këtë rast deri më sot.

Po ashtu, sot u arrestua edhe një person i cili mori pjesë në grabitjen e bankës TEB, e cila ndodhi më 26 tetor 2018.