Policia e Kosovës arreston në Prishtinë një person të kërkuar ndërkombëtarisht
Një person i kërkuar ndërkombëtarisht është arrestuar sonte në orët e pasdites në Prishtinë, si rezultat i një operacioni të suksesshëm policor.
Aksioni u realizua nga Njësia FAST, me mbështetjen e Njësisë Rajonale për Reagim të Shpejtë (NJRSH) – Prishtinë.
Operacioni u zhvillua në bashkëpunim të ngushtë me Prokurorinë e Krimeve të Rënda në Prishtinë. Pas arrestimit, personi i kërkuar është ndaluar për 48 orë, në pritje të procedurave të mëtejshme ligjore.
Policia e Kosovës ka theksuar edhe një herë përkushtimin e saj në luftën kundër krimit dhe bashkëpunimin me partnerët ndërkombëtarë, me qëllim që të sjellë para drejtësisë të gjithë individët që kërkohen për vepra të ndryshme penale. Nuk janë bërë të ditura detaje të tjera rreth identitetit të personit të arrestuar apo veprës penale për të cilën ai kërkohej ndërkombëtarisht.
