Pasi që Kryeministri i Kosovës, Ramush Haradinaj kishte paralajmëruar që të zbritet çmimi i derivateve në Kosovë, dhe në Komunën e Suharekës gjatë ditës së enjte një pompë me emrin “LABI” ka zbritur çmimin e derivateve në 1 Euro, por sot edhe një pompë tjetër në Suharekë ka zbritur çmimin e derivatëve në 1 Euro.

Për zbritjen e çmimit të derivateve bëhet fjalë për pompën “Dubrava-90”, e cila me lokacion gjindet në Fshatin Dubravë të Komunës së Suharekës, ku kjo pompë e ka zbritur çmimin e derivateve deri në 1 Euro.

Ky operator i derivateve “Dubrava-90”, në llogarin e saj zyrtare në Facebook ka postuar një lajm i cili ka të bëjë me zbritjen e çmimit të derivateve në postimin e tyre thuhet se “Nga data 28.12.2018 N.P.T Dubrava-90 në Dubravë, zbret çmimin e Derivateve Nafta =1.00€ dhe Benzina = 1.01 € për litër. Ju Mirëpresim!”

Gjithashtu, çmimet e derivateve në qdo vend të botës kanë pësuar rënien më të lartë të derivateve në 2 vitet e fundit, por e njejta gjë nuk ka ndodhur në shumicën e pompave të derivateve në Kosovë, ku vazhdojnë që të mbajnë përsëri të njejtat çmime të larta, duke krahasuar me standardin e të ardhurave të qytetarëve të Kosovës.