Për më pak se dy muaj, 44 të infektuar me COVID-19 shkuan nga Kosova vetëm në një qytet të Austrisë

Që nga data 27 korrik për t’u kthyer në Austri nga zonat e rrezikut me virusin korona, detyrimisht kërkohet test negativ.

Nëse nuk keni test negativ, atëherë është e obligueshme që ta bëni brenda 48 ore.

Kjo kishte ardhur si rezultat i ndryshimeve në rregulloren e miratuar nga Ministri Rudolf Anschober i cili tha se duhet të interpretohet qartë që të gjithë personat e kthyer nga 32 vendet me rrezik të lartë duhet të kenë test negativ për COVID-19 dhe atë jo më të vjetër se tre ditë.

Kështu vetëm në Linz-Austrinë e Epërme, numri i udhëtarëve të infektuar me Covid-19 që ktheheshin nga Kosova u rrit në 44 këtë të premte. Ata që u testuan pozitivisht ishin familje që udhëtonin individualisht dhe grupe më të vogla miqsh që ishin me pushime në Kosovë.

Që nga 24 qershori, ekipi i krizave në Linz ka regjistruar gjithsej 44 infeksione me COVID-19 të udhëtarëve që u kthyen Kosova, shkruan SuharekaOnline.

Stelzer “falënderoi” qeverinë federale të Premten pasdite për “reagimin e shpejtë” sepse sipas tij “rastet në rritje të udhëtarëve të kthyer tregojnë se kontrollet shëndetësore në kufijtë nuk janë të mjaftueshme dhe se shumë raste të reja po sillen nga jashtë”.

RAPORTO