Rasim Gërbeshi në mëngjesin e 28 Nëntorit ishte në gjumë kurse telefonin e tij personal e kishte lënë mbi tavolinë, kur ai u zgjua e pa që telefoni nuk ishte në dhomën e tij. Mjekët njoftuan Gërbeshin se mbrëmë natën një person i pa identifikuar me kapelë të zezë, kishte hapur rend dyert e dhomave të spitalit.

Gërbeshi u shpreh: “E kam lënë telefonin mbi tavolinë. Krevati ka qenë afër derës dhe gjatë natës një person ka hyrë dhe ma ka vjedhur telefonin. Kur jam zgjuar kam kërkuar sqarim, mjekja kujdestare më ka thënë të ketë parë një person me kapelë duke hyrë nëpër dhomat e Klinikës”.

Gërbeshi shtoi: “Ngjashëm si në gjitha institucionet publike ai do duhej të identifikonte njerëzit që hyjnë në Klinikë. Këtu hyn kushdo dhe sigurimi nuk kërkon asnjë sqarim”.

Ai tha se rastin e ka lajmëruar në Polici të cilit i kan thënë se mbas 5 ditësh do të njoftojmë për rastin.