Gjatë ditës së djeshme në Komunën e Istogut ndodhi një tragjedi e madhe, ku në mes të ditës hyri një grabitës në bankën NLB për ta grabitur atë, por gjatë grabitjes një polic në detyrën e tij e kishte gjuajtur grabitësin por fatkeqsisht edhe grabitësi e gjuajti me armë Policin dhe e plagosi, Polici u dërgua menjëherë në Spital, por Polici Izet Demaj nuk pati mundësi ti përballojë plagëve dhe vdiq, po ashtu edhe grabitësi është vrarë nga Policia.

Qeveria e Republikës së Kosovës sot ka ndarë 15 mijë euro për familjen e policit Izet Demaj, i vrarë të enjten në komunën e Istogut gjatë një përballjeje me grabitësin e një banke. Për ndarjen e kësaj shume është marrur vendimi sot në mbledhjen e Qeverisë së Kosovës.

Po ashtu, sot Kryeministri i Republikës së Kosovës, Ramush Haradinaj vizitoi Drejtorinë e Përgjithshme të Policisë së Kosovës, kryeministri në një komunikatë për media tha se do t’i marrim të gjitha veprimet që Policia të ketë mbështetjen e merituar, dhe nuk do të lejojnë që kriminelët të bëjnë ligjin në Kosovë.

Gjithashtu, Haradinaj gjatë asaj komunikate tha se Polici tash më i ndjerë, Izet Demaj ka gjuajtur me armë në mbrotje të vetes dhe të qytetarëve, për ta paguar edhe me jetë.

“Dje ka qenë një ditë e ndjeshme dhe e dhimbshme. Dje u vra një polic në detyrë si dhe sulmuesi i involvuar në plaçkitje. Polici ka shti në mbrojtje të vetes, rendit dhe e ka paguar me jetë, si dhe sulmuesi. E falënderoj drejtorin për menaxhimin e gjendjes në ditën e djeshme. Po ashtu i jap përkrahje policisë”, ka thënë Haradinaj. Gjithashtu dita e shtunë do të jetë ditë zie në Kosovë.