Gjykata Kushtetuese Pas Policisë edhe shëndetësia e arsimi paralajmërojnë greva, ditë të zeza mund ta presin Kosovën!

Më 1 dhjetor ishte paraparë që të hyjë në fuqi Ligji për Paga, e që shumë sindikata kishin shprehur pakënaqësi për këtë ligj duke bërë ankesa tek Avokati i Popullit.

Ndërsa pas këtyre pakënaqësive të shumta Avokati i Popullit vendosi që të dërgojë në Gjykatën Kushtetuese Ligjin për Paga, ndërsa ky vendim i ka acaruar mijë qytetarë të Kosovës, po ashtu të indinjuar e të mllefosur janë edhe Sindikatat të cilat mbrojnë të drejtat e punëtorëve në Republikën e Kosovës.

Indeksonline merr vesh se në këto momente është duke ndodhur një takim mes Sindikatës së Arsimit, Shëndetësisë dhe asaj të Policisë për të planifikuar reagimin pas këtij vendimi.

LEXO EDHE:  Haradinaj: Përballë dialogut me Serbinë, nuk i besoj Hotit

Blerim Syla nga Sindikada e Shëndetësisë ka konfirmuar se janë dakorduar së bashku me dy Sindikatat e tjera për hapat juridik e praktik pas këtij vendimi.

Madje Syla ka thënë se ka kërkesa të mënjershme për bojkot.

“Bashkë me SBASHK dhe Sindikatën e Policisë do të vendosim për hapat juridik të menjëhershëm. Kemi kërkesë për bojkot të menjëhershëm” ka thënë Syla për Indeksonline.

Greva ka paralajmëruar edhe Policia e Kosovës. Shaban Tasholli ka thënë se do t’i përdorin të gjitha masat kundërshtuese, duke përfshirë edhe grevat, kundër këtij vendimi./Indeksonline/

© SuharekaOnline. Të gjitha të drejtat janë të rezervuara.