Pas largimit nga lista e “karantinës”, planifikohen shtatë fluturime nga Zvicra drejt Kosovës
Zvicra sot ka marrë vendim që Kosovën ta largojë nga lista e zezë, duke hequr karantimin për qytetarët që kthehen në shtetin zviceran, vendim i cili do të hyjë në fuqi me 28 shtator. Menjëherë pas këtij vendimi, mërgimtarët kanë filluar të planifikojnë fluturime drejt Kosovës. Deri tani janë planifikuar shtatë fluturime për ditën e […]
Zvicra sot ka marrë vendim që Kosovën ta largojë nga lista e zezë, duke hequr karantimin për qytetarët që kthehen në shtetin zviceran, vendim i cili do të hyjë në fuqi me 28 shtator.
Menjëherë pas këtij vendimi, mërgimtarët kanë filluar të planifikojnë fluturime drejt Kosovës.
Deri tani janë planifikuar shtatë fluturime për ditën e diel, 27 shtator.
Kështu ka njoftuar menaxheri i planifikimit të fluturimeve në Aeroportin “Adem Jashari”, Driton Hyseni.
“Mërgata jonë sapo e morri lajmin e autoriteteve Zvicerane ia mësynë vendlindjes, Kosovës së dashur. Në këto pak orë nga vendimi janë shtatë fluturime të reja të planifikuara për të Dielën 27 shtator e shumë të tjera të konfirmuara për javën që vjen… Mirë se vini”, ka shkruar ai.
Zvicra kishte futur Kosovën në listë për karantimin nga data 6 korrik.