Parashikimi i motit për të hënën: Diell, vranësira dhe erë e fortë në disa zona
Sipas shërbimit meteorologjik, dita e hënë pritet të jetë me kushte të ndryshueshme atmosferike.
Në pjesën më të madhe të vendit, parashikohet një ditë me diell dhe vranësira të ndryshme. Megjithatë, në orët e mëngjesit, veçanërisht në zonat e ulëta dhe luginat, mund të ketë mjegullë e cila gradualisht do të shpërndahet me tejkalimin e orëve të para të ditës.
Era do të jetë një faktor kryesor i motit për ditën e nesërme. Ajo do të fryjë nga drejtime të ndryshme dhe pritet të ketë intensitet të ndryshueshëm, duke arritur shpejtësi deri në 45 km/h, veçanërisht në rajonin e Gjakovës. Prandaj, rekomandohet kujdes gjatë drejtimit të automjeteve dhe kryerjes së aktiviteteve në natyrë.
Temperaturat për të hënën parashikohen të jenë të freskëta. Temperaturat minimale do të lëvizin ndërmjet -7°C dhe 1°C, ndërsa ato maksimale do të shkojnë nga 7°C deri në 11°C.
