Pak para seancës, partitë “betonizohen” në qëndrimet për kryetarin e kuvendit

Kryetari i Lidhjes Demokratike të Kosovës, Lumir Abdixhiku, tha se partia e vet do të votojë njëjtë sikurse herën e kaluar – do të thotë kundër – rreth propozimit të Vetëvendosjes për Albulena Haxhiun për Kryetare të Kuvendit.

Edhe deputeti i Partisë Demokratike të Kosovës (PDK), Abelard Tahiri, ka deklaruar se partia e tij mbetet në qëndrime të njëjta sa i përket votimit të kryeparlamentarit.

Deputeti Faton Peci, tha se deri në këtë fazë, Albulena Haxhiu, është kandidate për kryeparlamentare.

“Të shohim kur ta hedheim në votim. Deri këtë fazë është Albulena Haxhiu”, tha Peci.