Pagat e prokurorëve dhe gjyqtarëve kthehen siç ishin para rritjes
Qeveria e Kosovës, sot miratoi Projektligjin për paga dhe Projektligjin për zyrtarët publikë. Qeveria e Kosovës në mbledhjen e sotme ka shfuqizuar vendimin e Qeverisë Haradinaj të marrë në vitin 2017, duke kthyer pagat sikur para rritjes në sistemin e drejtësisë. Kryeministri Kurti ka thënë se vendimi ishte marrë paligjshëm dhe në konflikt-interesi në vitin […]
Qeveria e Kosovës, sot miratoi Projektligjin për paga dhe Projektligjin për zyrtarët publikë.
Qeveria e Kosovës në mbledhjen e sotme ka shfuqizuar vendimin e Qeverisë Haradinaj të marrë në vitin 2017, duke kthyer pagat sikur para rritjes në sistemin e drejtësisë.
Kryeministri Kurti ka thënë se vendimi ishte marrë paligjshëm dhe në konflikt-interesi në vitin 2017, nga qeveria e kaluar.
Në vitin 2020 qeveria Kurti kishte ulur pagën e kryeministrit, por jo edhe ato në sistemin e drejtësisë.
“Ky vendim ka paraparë përjashtimin nga kthimi i pagave në gjendjen e mëparshme për sistemin gjyqësor dhe Gjykatën Kushtetuese”, u shpreh kryeministri.
“Marrë parasysh se ishte në Gjykatën Kushtetuese në procedurë trajtimi. Kushti i paraparë për përjashtim është plotësuar me nxjerrjen e aktgjykimit nga Gjykata Kushtetuese lidhur me ligjin e atëhershëm për paga, rrjedhimisht për të sjellë ligjshmëri plotësojmë këtë vendim duke shfuqizuar nenet relevante. Me këtë pagat e gjyqtarëve dhe prokurorëve kthehen në lartësinë e rregullimit juridik të mëparshëm”, tha Kurti.
E lidhur me këtë Këshilli Gjyqësor i Kosovës ka njoftuar se do të mbajë mbledhje të jashtëzakonshme këtë të mërkurë në orën 16:00.
Mbledhja do të mbahet pas vendimit të Qeverisë së Kosovës për t’i ulur pagat e gjyqtarëve dhe prokurorëve.
“Ju njoftojmë se mbledhja e jashtëzakonshme e Këshillit Gjyqësor të Kosovës (e mbyllur), do të mbahet sot, datë 23 nëntor 2022 (e mërkurë) nga ora 16:00, në sallën e takimeve të KGJK-së”, thuhet në njoftimin për media.