Osmani: Vizita e Stoltenberg vjen në një moment përcaktues për paqen dhe sigurinë, jo vetëm në rajon, por në botë

Sekretari i NATO-s, Jens Stoltenberg, është pritur sot në takim nga presidentja e Kosovës, Vjosa Osmani.

Pas takimit dhe konferencës për media, Osmani ka shkruar në Facebook, duke thënë se “vizita e Sekretarit të Përgjithshëm të NATO-s, Jens Stoltenberg, vjen në një moment përcaktues për paqen dhe sigurinë, jo vetëm në rajon, por në të gjithë kontinentin tonë”.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

“Kosova është e vendosur për të ardhmen e saj, prandaj në takimin e sotëm, ritheksova rëndësinë urgjente të anëtarësimit në NATO, duke filluar me përfshirjen e vendit tonë në Partneritetin për Paqe”, ka shkruar Osmani.

“Në një rajon të sfiduar nga planet destabilizuese të Serbisë, bashkëpunimi me aleatët tanë në NATO është i domosdoshëm për të siguruar paqe dhe siguri afatgjate në rajon dhe më gjerë”.

Ndryshe, Stoltenberg pas takimit që pati me Osmanin tha se kanë mirëpritur propozimin për formimin e Asociacionit, i cili sipas tij është hap kyç drejt paqes në rajon.

Stoltenberg, ka thënë se sulmi i 24 shtatorit në Banjskë ka bërë që ta rrisin prezencën e KFOR-it me ushtarë shtesë. Për këtë, Stoltenberg ka kërkuar që kryerësit e këtij sulmi të mbahen përgjegjës.

Tash ai është në takim me kryeministrin e Kosovës, Albin Kurtin.

Këtë të hëne shefi i NATO-s nisi vizitën treditore në Ballkan. Fillimisht ishte në Bosnje e Hercegovinë.

Të martën Stoltenberg do jetë në Serbi ku e pret në bisedime presidenti Aleksandar Vuçiq dhe kryeministrja Ana Bërnabiq.

Sigurimi Internacional

Ofertë speciale