Opozita pretendon ta rrëzoj qeverinë në shtator

Opozita po planifion ta rrëzoj qeverinë nëpërmjet mocionit të votëbesimit, pikerishtë në fillim të shtatorit, atëherë kur edhe qeverija “Haradinja i mbush dy vjet prejse është votuar në Kuvendin e Kosovës.

Qeveria që udhëhiqet nga kryeministri Ramush Haradinaj është votuar në Kuvend më 9 shtator 2017, me gjithsej 61 vota të deputetëve, një deputet kishte abstenuar, kurse në votime nuk kishin marrë pjesë deputetët e LDK-së dhe ata të LVV-së.

Sipas deputetëve opozitarë, kjo Qeveri do të arrijë ta çojë vetëm deri në gjysmë mandatin, me ç’rast vendi do të shkojë në zgjedhje të parakohshme parlamentare.

Deputeti i partisë më të madhe opozitare (LDK), Driton Selmanaj, ka thënë për gazetën “Zëri” se janë duke u konsultuar vazhdimisht me opozitën për mbledhjen e numrave të nevojshëm për rrëzimin e Qeverisë.

“Nuk flasim që ka ndonjë lloj elementi që mund të lëndojë ose të prishë raportet eventuale që kemi ndërtuar me opozitën. Ne nuk po dallojmë shumë në këtë çështje. Tri partitë opozitare jemi që kjo qeveri të rrëzohet dhe këtu po flasim për nuanca që na dallojnë, për mënyra se si ta shfrytëzojmë këtë instrument kushtetues. Por kjo nuk do të na pengojë në atë se si do të gjejmë rrugë të përbashkët që ta arrijmë suksesshëm këtë nismë”, ka deklaruar Selmanaj.