Oda e Mjekëve i reagon Albena Reshitaj e cila tha se është fat që aksidenti i Kroacisë nuk ka ndodhur në Kosovë

Deputetes së AAK-së, Albena Reshitajt i ka reaguar Oda e Mjekëve të Kosovës, ku gjatë ditës së djeshme ka thënë se është fat në fatkeqësi se në Kroaci ka qenë aksidenti i ndodhur atje e jo në Kosovës.

Pasi që sipas saj do të kishte dyfish më shumë viktima.

Nga Oda e Mjekëve të Kosovës kanë thënë se është për të çuditur se si deputetja Reshitaj ka gjetur fatmirësi në një fatkeqësi në kurriz të profesionistëve shëndetësorë.

“Deklarimet e deputetës, znj. Albena Reshitaj të bëra më datë 27 korrik 2021, në Komisionin Parlamentar për Inftrastruktur dhe të transmetuara në mediat, e cila lidhur me aksidentin e ndodhur në Kroaci në të cilin kanë pësuar mërgimtarët tonë, thotë se ka qenë fat në fatkeqësi që tragjedia ka ndodhur në Kroaci e jo në Kosovë, pasi që sipas saj, do të kishte dyfish më shumë viktima.

Është për tu çuditur se si deputetja Reshitaj ka gjetur insipirim që të gjej fatmirësi në një fatkeqësi të tillë në kurrizë të profesionistëve shëndetësorë dhe sistemit shëndetësor sado i brisht të jetë ai”, është thënë nga kjo Odë.

Po ashtu kjo odë ka përmendur edhe tërmetin e Gjilanit, helmimet në Deçan, eksplodimin në Ferizaj, pandeminë COVID-19 e raste të tjera.

Raste të cilat sipas tyre është treguar profesionalizmi i profesionistëve shëndetësorë.

“Respektin më të madh për kolegët tonë kroat, por dëshirojmë të përkujtojmë deputetet se janë po këta mjekë e profesionistë të tjerë shëndetësor që janë ballafaquar në mënyrë të shkëlqyeshme me pasojat e ngjarjeve të marsit 2004, të helmimit të mbi 40 ushtarëve të UCCPMB, tërmeti i Gjilanit, eksplodimi në Ferizaj, së fundmi me pandeminë COVID-19 në kushte minimale të punës, ballafaqimin me rastin e helmimit masiv në Komunën e Deçanit dhe shumë raste të tjera në të kaluarën, në të cilat jo vetëm se është treguar profesionalizmi i profesionistëve shëndetësor, por mbi të gjitha vullneti dhe forca humane e mbivërtetuar deri më tani. Në gjitha këto ngjarje në pararojë qëndronte shërbimi jonë emergjent”, është thënë në reagimin e kësaj Ode.