OBSH raporton rekord të ri global të rasteve me COVID-19

Organizata Botërore e Shëndetësisë (OBSH) ka shënuar një rekord të ri në numrin e rasteve të koronavirusit të regjistruar në një ditë të vetme.

OBSH regjistroi 581 679 raste në të gjithë botën gjatë 24 orëve të fundit.

Kjo shifër është mbi 24 000 njësi më shumë se shifra e fundit më e lartë ditore, e regjistruar më 31 tetor.

Më shumë se 48,5 milionë raste të infeksionit janë regjistruar në të gjithë botën që nga fillimi i shpërthimit të virusit në fund të vitit të kaluar.

Ekspertët presin që numri aktual i rasteve të jetë shumë më i lartë se numri zyrtar.

Për sa i përket numrave absolutë, SHBA, India dhe Brazili janë vendet më të prekura. Më shumë se 1,2 milionë persona kanë vdekur nga Covid-19. 

Në Kosovë brenda 24 orëve të fundit janë identifikuar 728 raste të reja me COVID-19, vetëm në Komunën e Suharekës janë regjistruar 18 raste të reja.

© SuharekaOnline. Të gjitha të drejtat janë të rezervuara.